Bragi Ólafsson Archives - Smekkleysa SM

Bragi Ólafsson: Innanríkið – Alexíus

Smekkleysa — Thu, 24 Oct 2024 19:41:01 +0000

STÓRKOSTLEGA SKEMMTILEG FRÁSÖGN!

Undirfurðulegt. … Alveg ótrúlega geðþekkur sögumaður. Svolítið ólíkindatól.

(Egill Helgason, Kiljan)

Sannarlega ánægjuleg lesning. Ekki hægt að óska sér skemmtilegri bók. Lestrarnautn.

(Snæbjörn Arngrímsson, Kaktusinn.is)

Mjög skemmtilegt aflestrar. Tekur okkur í skemmtilegt ferðalag.

(Ólína Þorvarðardóttir, Kiljan)

Bragi er einhver fyndnasti höfundur íslenskra bókmennta, og þar af leiðandi einn sá besti. Það er alltaf eitthvað óvænt í bókunum hans, eitthvað fáránlegt og eftirminnilegt … (Dagur Hjartarson, Mbl. 29. nóv. 2024)

Fáir eru leiknari í að búa til fjarveru í skáldverkum en Bragi, dularfullar eyður sem maður getur endalaust brotið heilann um. Ég mæli heilshugar með þessari bók.

(Haukur Ingvarsson, Facebook)

Í textanum drynur stöðugur bassi sem vísar til söguloka … Hann er furðulega stingandi sá verufræðilegi skjálfti sem grípur mann þegar uppgötvast að Bragi vill veita okkur hlutdeild í tilverukjarna sínum.

(Kristján B. Jónasson, Facebook)

Mæli eindregið með henni: skemmtileg, fróðleg, djúp og já, eiginlega svolítið dulræn. Galdur í henni.

(Guðmundur Andri Thorsson, Facebook)

Maður bara hlær og flissar og skellir upp úr allan tímann. Alveg stórkostlega skemmtileg frásögn.

(Árni Matthíasson, Kiljan)

Í þessari bók sýnir Bragi Ólafsson á sér nýja hlið sem höfundur, og beinir athyglinni að því sem ekki telst endilega vera skáldskapur.

Bókin er árituð af höfundi ef keypt hér hjá okkur í vefverslun og verslun.

Faðir höfundar vaknar eina nótt við að ókunnugur maður stendur í svefnherbergisdyrunum á heimili hans við Skólavörðustíg. Aldarfjórðungi síðar rifjar sonurinn upp þessa reynslu föðurins, og styðst við heimildir sem óvænt tengdust atvikinu. Samhliða því fer hann á stefnulaust flakk um fortíð og nútíð, frá miðbæ Reykjavíkur upp á Mýrar og út í heim, með viðkomu í hugarheimi annarra höfunda. Fjöldi ljósmynda prýðir bókina.

Bragi Ólafsson er fæddur í Reykjavík árið 1962. Á tæpum fjórum áratugum hefur hann sent frá sér hátt í þrjátíu bækur, jafnt ljóð, smásögur og skáldsögur, og einnig fengist við leikritaskrif og þýðingar.

Um árabil starfaði hann sem tónlistarmaður, meðal annars með hljómsveitunum Purrkur Pillnikk og Sykurmolarnir, og hefur frá árinu 1986 verið félagi í útgáfufyrirtækinu Smekkleysu, sem hefur haft víðtæk og djúp áhrif í menningarlífi landsins.

Meðal skáldsagna Braga eru Gæludýrin, Sendiherrann, Staða pundsins og Gegn gangi leiksins. Leikrit hans, Belgíska Kongó og Hænuungarnir, nutu fádæma vinsælda á fjölum Borgarleikhúss og Þjóðleikhússins.

The post Bragi Ólafsson: Innanríkið – Alexíus appeared first on Smekkleysa SM.

Bragi Ólafsson & Einar Örn – Út úr mátunarklefanum

einar_orn — Thu, 26 Oct 2023 11:20:45 +0000

Frá árinu 1981 hafa Einar Örn Benediktsson og Bragi Ólafsson unnið saman sem tónlistarmenn, textahöfundar og útgefendur. Þeir stofnuðu saman hljómsveitina Purrk Pillnikk, ásamt Friðriki Erlingssyni og Ásgeiri Bragasyni, og voru báðir meðal stofnmeðlima útgáfufélagsins Smekkleysu SM árið 1986. Samhliða því störfuðu þeir saman í hljómsveitinni Sykurmolarnir til 1992. Smekkleysa SM, sem vantar aðeins þrjú ár í að verða fertug, er enn í fullu fjöri sem útgáfa, auk Smekkleysu-plötubúðar og útgáfumiðstöðvar við Hjartatorg og Hverfisgötu í miðbæ Reykjavíkur. Allt frá upphafi hefur Smekkleysa SM gefið út bækur, jafnt ljóð sem skáldsögur, en einnig bækur sem tengjast menningararfi félagsins.

Út úr mátunarklefanum er önnur bók Einar og Braga sem þeir vinna saman. Einar hefur einnig teiknað myndir á kápur annarra bóka Braga, bæði ljóðabóka og skáldsagna. Fyrri bók þeirra félaga kallast Mátunarklefinn og aðrar myndir, en í því smáriti eru prósar og teikningar, hvort um sig sjálfstæð verk. Um svipað leyti gaf Bragi út hjá Smekkleysu smáritið Fjórar línur og titill, safn fjögurra lína ljóða með titli. Það má því segja að Út úr mátunarklefanum – fleiri fjórar línur ogþrefalt færri fjórlínungar sé sjálfstætt framhald þessara tveggja smárita, þótt í þetta skiptið sé formatið mun stærra, eins konar tímaritabrot. Verk höfundanna í þessu bókverki eru sem áður sjálfstæð verk, en tengjast þó á sterkan hátt í anda, enda hafa Einar og Bragi, eins og áður segir, þekkst mjög lengi og átt í mjög nánu samstarfi sem listamenn.

Með Út úr mátunarklefanum má segja að höfundarnir séu endanlega komnir út úr klefanum, eftir að hafa tekið sér góðan tíma til að velja sér viðeigandi búning.

The post Bragi Ólafsson & Einar Örn – Út úr mátunarklefanum appeared first on Smekkleysa SM.

Bragi Ólafsson & Einar Örn – Mátunarklefinn

einar_orn — Thu, 16 Apr 2020 15:28:44 +0000

The post Bragi Ólafsson & Einar Örn – Mátunarklefinn appeared first on Smekkleysa SM.

Fjórar línur og titill – Bragi Ólafsson

einar_orn — Mon, 19 Aug 2019 19:08:01 +0000

The post Fjórar línur og titill – Bragi Ólafsson appeared first on Smekkleysa SM.