Íslensku Tónlistarverðlaunin voru haldin með miklum bravúr síðustu helgi og erum við mjög þakklát fyrir að starfa fyrir þau sem voru tilnefnd og eru þau Strokkvartettinn Siggi, Halldór Smárason, Jónsi, Gyða Valtýsdóttir, Stína Ágústsdóttir Trio, Páll Ragnar Pálsson, JFDR og Mikael Máni Ásmundsson.

Við samgleðjumst hinum frábæru HAM, gugusar, Ingibjörgu Elsu Turchi, Hjaltalín og Bríet fyrir þeirra frábæra gengi sem er sannarlega verðskuldað.  Það mikla stolt og þakklæti sem við fyllumst er ólýsanlegt þegar Frosti Jón Runólfsson og Jónsi tóku verðlaun líkt og Gyða Valtýsdóttir, JFDR og Sigur Rós sem hlutu löngu tímabær heiðursverðlaun.  Þeirra framlag til íslenskrar tónlistar, menningar og að ógleymdu framlagi til ímyndarsköpunar Íslands á alheimsvísu sem er ómælanlega stórt.  Takk!

Hér má horfa á athöfnina í heild sinni sem var með mjög skemmtilegu sniði í ár.

Hér má sjá yfirlit yfir feril Sigur Rósar sem verður að teljast einstakur og er þá vægt til orða tekið. Í kjölfarið má njóta þess sem okkur finnst standa uppúr af verðlaunahátíðinni í ár.

The post Gott gengi JFDR, Gyðu, Jónsa og Sigur Rós á Íslensku Tónlistarverðlaunum appeared first on Smekkleysa SM.

Gyða Valtýsdóttir sellóleikari, söngkona, tónskáld og tónlistarkona kemur fram ásamt tónlistarfólki í heimsmælikvarða á einstökum tónleikum í Norðurljósum, Hörpu. Miðar á tónleikana fást hér.

Epicycle II kom út 28. ágúst síðastliðin á vegum Sono Luminus og DiaMond útgáfumerki Gyðu. Smekkleysa annast dreifingu á plötunni hér á landi.

Í texta Listahátíðar í Reyjavík segir: „Hér rennur saman ævafornt og nýtt, heillandi útsetningar Gyðu á tónlist tónskálda á borð við galdranunnuna Hildegard von Bingen og franska dulhyggjumanninn Olivier Messiaen í bland við magnaða tónheima tónlistarfólks eins og Skúla Sverrissonar, Daníels Bjarnasonar, Kjartans Sveinssonar og Ólafar Arnalds sem ásamt fleirum eiga tónlist á nýrri plötu Gyðu, Epicycle II.“

Viðtökurnar á breiðskífunni hafa verið glimrandi og plötugagnrýni hefur hvarvetna verið jákvæð.

Líkt og áður hefur komið þá vann Gyða til hinna mikilsmetnu Tónlistarverðlauna Norðurlandaráðs. Álit dómnefndarinnar á tónlistarkonunni var svohljóðandi: „mikla sérstöðu sem flytjandi og nærvera hennar á sviði er bæði heillandi og einstök – viðkvæm, óræð en jafnframt kraftmikil.“

Söngur, selló: Gyða Valtýsdóttir 
Gítar: Daníel Friðrik Böðvarsson 
Slagverk: Magnús Trygvason Eliassen 
Píanó: Kjartan Sveinsson 
Bassi: Skúli Sverrisson 
Hljóðgervill: Úlfur Hansson
Söngur: Ásthildur Valtýsdóttir 
Söngur: Kristín Anna Valtýsdóttir 

Á efnisskránni verða meðal annars flutt verk sem Gyða vann með tónskáldum á borð við Önnu Thorvalds, Kjartani Sveinssyni, Maríu Huld Markan, Daníel Bjarnasyni, Skúla Sverrissyni, Ólöfu Arnalds, Úlfi Hanssyni og Jónsa.

The post Gyða og Epicycle II í Hörpu á Listahátíð. appeared first on Smekkleysa SM.