Platan Half Sun fjallar um innri togstreitu – þegar ólíkir partar sjálfsins takast á og vilja ólíka hluti. Þar mætast meðal annars óskhyggja og raunsæi, reiði og stjórn, eða nostalgía og þörfin fyrir að halda áfram. Lögin endurspegla þetta óvissuástand með því að vinna með endurtekin tónlistarleg mótíf sem eru skoðuð frá ólíkum sjónarhornum, þar sem andstæður túlkanir kallast á innan sömu tónsmíðar.

Mikael Máni er gítarleikari og tónskáld með persónulegan og kvikmyndalegan hljóðheim þar sem áhrif frá djass, rokki og impressjónisma mætast. Hann hefur á undanförnum árum skapað sér sérstöðu á alþjóðavettvangi, meðal annars með plötunni Guitar Poetry (2024), sem kom út hjá þýska útgáfufyrirtækinu ACT og hlaut 4,5 stjörnu dóm í DownBeat.

Fyrri verk hans hafa einnig vakið athygli, þar á meðal frumraunin Bobby, sem fékk spilun á BBC Radio, og platan Innermost, sem hlaut Íslensku tónlistarverðlaunin sem djassplata ársins. Mikael er hluti af nýrri bylgju íslenskra tónlistarmanna sem njóta alþjóðlegar viðurkenningar, og verk hans endurspegla þann nýskapandi anda sem einkennir íslenska tónlistarsenu í dag.

“…an impressionistic gem. ★★★★½” – DownBeat
“A storyteller of the guitar who provides templates for the cinema in the listener’s head ★★★★” – Concerto
“A lyrical and cinematic voice in modern jazz.” – All About Jazz
“He aimed to, and succeeded in, making the sort of music that leaves an imprint on the mind ★★★★” – BBC Music Magazine

The post Mikael máni – Half sun appeared first on Smekkleysa SM.

Skinweeper

Reykjavík — 23. janúar 2026 — Skinweeper er ný breiðskífa eftir Bergrúnu
Snæbjörnsdóttur, sem kemur út 17. janúar 2026 á vegum Smekkleysu, aðgengileg bæði
stafrænt og á vínýl. Tónlistin á plötunni sameinar tónsmíðar og leiddan spuna í eina heild,
kemur úr ranni tilraunatónlistar og tileinkar sér víðtæka eiginleika hljóðfæra.
Skinweeper inniheldur þrjú verk sem samin voru yfir sjö ára tímabil. Kveikjan að verkunum
voru abstrakt hugleiðingar er varða umbreytingu orku úr einu formi í önnur – saman mynda
verkin þrjú heildstæða frásögn. Flytjendur eru William Winant, Kevin Corcoran og Matthias
Engler á slagverk, Theresa Wong og Marrissa Deitz á selló, Kyle Bruckmann á enskt horn,
John McCowen á klarínettur, Gunnhildur Einarsdóttir á hörpu, en unnið var sérstaklega náið
með hljóðfæraleikurunum til að draga fram persónulegt samband þeirra við hljóðfæri sín inn í
tónsmíðarnar.
Stutt ágrip:
Tónlist Bergrúnar Snæbjörnsdóttur hefur vakið sívaxandi athygli á undanförnum árum en á
meðal tónlistarhópa sem hafa flutt verk hennar má nefna sveitir svo sem Fílharmóníusveitina
í Osló, Ensemble Musikfabrik (DE) og Sinfóníuhljómsveit Íslands. Bergrún nam tónsmíðar
við Listaháskóla Íslands og síðar við Mills College í Kaliforníu þar sem hún naut leiðsagnar
brautryðjenda á sviði framsækinnar tilraunatónlistar; má þar nefna Pauline Oliveros, Fred
Frith og Zeena Parkins.
Bergrún vinnur á spennandi mærum ólíkra listgreina, tónlist hennar oft samofin myndlist og
innsetningum en kveikjur og áhrif eru gjarnan sótt í heimspeki og náttúrufyrirbæri. Í verkum
hennar er hinn sjónræni þáttur iðulega virkjaður og hlutverk tónlistarflytjandans opið og
spunakennt þar sem Bergrún nýtir sér óhefðbundna nótnaskrift. Á meðal nýlegra verka má
nefna Agape, sem var frumflutt á myndlistarhátíðinni Sequences árið 2021; Ecognosis,
pantað af International Contemporary Ensemble (US) árið 2021 og Roföldur með John
McCowen, pantað af INA GRM og flutt í Radio France 2025. Verkefni framundan eru meðal
annars verk í tónleikalengd fyrir Apparat Ensemble (DE) á Myrkum Músíkdögum, verk fyrir
Yarn/Wire (US), og verk í tónleikalengd fyrir viibra flautuseptett ásamt Margréti
Bjarnadóttur danshöfundi fyrir Listahátíð í Reykjavík.
Platan kemur út stafrænt á morgun, föstdaginn 23. Janúar. Vínyl-útgáfa kemur 17.2.26
www.smekkleysa.net
www.bergrun.com

The post Bergrún Snæbjörnsdóttir – Skinweeper appeared first on Smekkleysa SM.

Árið er 20025, Godchilla gefur loks út þriðju breiðskífu sína af skynsýktu sveimrokks-ógeði. Leit sveitarinnar að leyndardómi leðjurokksleiðslunnar er langt frá því lokið.

Hlýðið á ‘i love you’ og nokkur önnur númer á Bandcamp:

https://godchilladoom.bandcamp.com/album/psionic-dreams
…………………………………………..eða öðrum streymisveitum

Tónleikar í smekkleysu

Öllum forsölupöntunum fylgir miði á óvenjulega útgáfutónleika þann 1. nóvember í Smekkleysu plötubúð þar sem allri Godchilla Fílharmóníu Stórsveitar-Orkestrunni verður smalað saman hvaðanæva úr heiminum, München, Seyðisfirði og víðar.

Önnur bönd tilkynnt síðar, miðar á kr.2500 (en fylgja með forsölupöntun!!), þá má nálgast hér á Glaze.

Takmarkaður miðafjöldi  – https://app.glaze.is/t/TERuyxYibOLPMZQw0DxN
ATH –   Öllum forsölupöntunum fylgir miði á tónleikana

_____________________________________________________________________________________________________________________________________________

It is the year 20025, godchilla finally releases their third psychodelic vroom vroom hypno doom LP psionic dreams 1st of November.

Listen to ‘i love you’ and a few other numbers on their Bandcamp and other streaming services.

https://godchilladoom.bandcamp.com/

All presale records include a ticket to a one-of-a-kind release show on the 1st of November with the full Godchilla Philharmonic Big Band Ensemble Orchestra, assembled from Münich, Seyðisfjörður and elsewhere.

Other acts TBA, tickets 2500 (but included with a presale record!!), get yours on Glaze.

Limited tickets  – https://app.glaze.is/t/TERuyxYibOLPMZQw0DxN
NOTE – All pre-orders include a ticket to the concert.

The post Godchilla – Psionic dreams appeared first on Smekkleysa SM.

PRE SALE – SIGNED EP

LET IT BURN(Ep) is the second album from the Icelandic band virgin orchestra. Comprised of Rún, Stefanía and Starri, virgin orchestra have been attracting attention in Iceland and throughout Europe after their 2023 Berlin-recorded release Fragments. Their blend of atmospherics, sultry vocals and serrated guitars has made them one to look out for.

The post Virgin Orchestra – LET IT BURN (Ep) appeared first on Smekkleysa SM.

Þessi útgáfa hefur að geyma fimm 180g vínilplötur og 48 síðna bókling í einum kassa.

Hljómsveitin Purrkur Pillnikk starfaði í um það bil eitt og hálft ár, frá mars 1981 til ágúst 1982. Fyrir lokatónleika Purrksins samdi hljómsveitin fimm ný lög, undir yfirskriftinni Orð fyrir dauða, og voru þessi lög aðeins flutt við það eina tækifæri, og reyndar aftur þremur árum síðar, þegar hljómsveitin kom saman á ný, á einum tónleikum, þá með trommuleikaranum Sigtryggi Baldurssyni.

Það er óhætt að segja að Purrkur Pillnikk hafi haft mikil áhrif í íslensku tónlistarlífi, bæði á meðan hljómsveitin starfaði, og ekki síður eftir það, allt fram á þennan dag. Snemma á þessu ári, 2023, ákváðu Einar Örn Benediktsson, Friðrik Erlingsson og Bragi Ólafsson – Ásgeir Bragason, trommuleikari, féll frá árið 2015 – að fara í hljóðver til að taka upp Orð fyrir dauða, því þeim fannst sem þeir hefðu aldrei gert þessum síðustu lögum almennileg skil. Sem fyrr var Sigtryggur Baldursson með í hópnum, sem meðlimur hljómsveitarinnar, og einnig Örlygur Steinar Arnalds, sem meðal annars hefur starfað í hljómsveitunum sideproject og Korter í flog.

Purrkur Pillnikk lítur svo á að hinar nýju upptökur á Orðum fyrir dauða séu frumútgáfur þessara fimm laga, enda voru þau vart tilbúin í ágúst 1982, þá rétt nýsamin. Hugmyndin var að láta þau hljóma eins og þau væru samin „í gær“, enda hafa þau lifað í huga Purrksins í gegnum árin sem slík, og með aðkomu Örlygs Steinars og upptökustjórans Alberts Finnbogasonar telur hljómsveitin sig hafa gefið þessari tónlist algerlega nýtt líf, og í raun endurskapað hana. Upptökurnar voru gerðar í hljóðverinu Sundlaugin í maí 2023. Curver Thoroddsen sá um hljóðvinnslu. Ámundi Sigurðsson hannaði.

VÍNILL #1
orð fyrir dauða • maí 2023
afturgöngur • maí 2023
tilf • 1981
no time to think • 1982

VÍNILL #2
ekki enn • 1981

VÍNILL #3
googooplex • 1982

VÍNILL #4
maskínan • 1983

VÍNILL #5
austurbæjarbíó • 1981
félagsstofnun stúdenta • 1985

PRENT
bóklingur: orð og myndir
1981 – 2023

The post Purrkur Pillnikk – Orð fyrir dauða appeared first on Smekkleysa SM.