Ondi is a story teller from Kenya, living in Finland. She is in Iceland for Ung Nordisk Musik 2022. Musically, she uses her voice, a guitar and ukulele to explore identity, community, connection and love. She is performing a free concert in Smekkleysa Record Shop on Hjartatorg Square in Reykjavík on August 19th at 4:00 PM.

Ondi released her three track EP in July this year and you can listen or buy it via Bandcamp.

Check out UNM website for hers and other works for this year’s installment around Reykjavík. She is participating with Gunnhildur Hauksdóttir and Tine Surel Lange at STAK on Hverfisgata 32.

The post Kenyan storyteller sings about love and connection appeared first on Smekkleysa SM.

Það eru Sumarborgin, STAK og Smekkleysa Plötubúð sem bjóða um á þessa æsispennandi samkomu. Hún hefst klukkan 14:00 og er ókeypis aðgangur. 

Það eru Sumarborgin, STAK og Smekkleysa Plötubúð sem bjóða upp á þessa einstöku samkomu.

The post Dularfullar djöflasystur þeyta skífum appeared first on Smekkleysa SM.

Smekkleysa SM ehf., STAK og Sumarborgin kynna með stolti.

DJ Guðmundur Steinn Guðmundsson í Smekkleysu Plötubúð við Hjartatorg, föstudaginn 5. ágúst klukkan 16:00. Guðmundur hefur skapað sér nafn fyrir framúrstefnulegar tónsmíðar á sínum ferli sem tónskáld. Hann kemur sjaldan fram sem plötusnúður en mun að eigin sögn spila danstónlist ýmissa staða og tíma í bland við grjóthart avant-garde.

Tónlist Guðmundar Steins Gunnarssonar er í senn léttúðug ogalvarleg en „miðjar sig í Autechre-legu ryþmaskyni sem máir mörkin á milli skipulags, hvatvísi og hreinnar geðveiki“ (skv. SPIN). Sumir segja að verk hans veki myndir af hrárri alþýðulist,einfaralist og hrárri en lifandi náttúru.

Hann hefur fundið sig knúinn til að þróa með sér nótnaskrif á tölvuskjá til þess að koma hrynmáli sínu og öðrum ætlunum skýrt til flytjenda. Tónlist hans notast oft við nýja hljóðgjafa í bland við gamla en
einnig fornar tónstillingar.

Hann hefur skrifað yfir 200 tónverk, sem hafa heyrst í 25 löndum í 4 heimsálfum og á 20 hljóðritum. Þau hafa verið leikin af m.a. BBC Scottish Symphony, notabu.ensemble, l’Arsenale, Defun, Adapter, Aksiom, Crush, Mimiatbu, Ligeti Quartet, Caput, Elju og Sinfóníuhljómsveit Íslands.

Tónlist hans hefur heyrst á alþjóðlegum hátíðum á borð við MATA, Transit, Transart, November Music, Musikin Aika, aDevantgarde, Musik 21 Niedersachsen, Thingamajigs, Experimental Winter Taipei, Tenor, Open Circuit, Open Days og Ultima.

Guðmundur hefur verið iðinn við kolann í íslensku tónlistarlífi sem tónskáld, flytjandi og skipuleggjandi m.a. með S.LÁ.T.U.R. og Sláturtíð, Jaðarber, Fengjastrút og útgáfunni Traktornum. Þá vann hann til tónsmíðaverðlauna í tilefni af 80 ára afmæli RÚV. Guðmundur sá um nótnaritun fyrir bókina Segulbönd Iðunnar og hefur haldið fyrirlestra um íslenska þjóðlagatónlist og skipulagt málþing um rímnakveðskap.

The post Danstónlist og grjóthart avant garde við Hjartatorg appeared first on Smekkleysa SM.

DJ Sley eða Sóley Williams Guðrúnardóttir hefur verið dugleg við að þeyta skífum víðs vegar bæði úti í Hollandi og hér heima, seinasta sett hennar var tekið á Buxum, í Gufunesi. Hún spilar tilraunakennda, fjölbreytta elektróníska tónlist, allt frá ambient til taktfastrar raftónlistar sem fær líkamann til að iða.

Sóley ætlar að bjóða gestum og gangandi upp tveggja klukkustunda sett í Smekkleysu Plötubúð í samstarfi við STAK og Sumarborgina.

The post Tilraunkennd og dansvæn elektróník í boði DJ Sley appeared first on Smekkleysa SM.

Smekkleysa Plötubúð, STAK og Sumarborgin kynna með stolti snúðaþyt laugardaginn 23. júlí næstkomandi.

DJ Raggyman eða Ragnar Eiríksson starfar alla jafna sem veitingamaður og oftast kenndur við Vínstúkuna Tíu Sopar og Brút Restaurant og áður Dill Restaurant þar sem hann starfaði sem yfirkokkur í nokkur ár, þ.á.m. þegar staðurinn hlaut sína fyrstu Michelin-stjörnu árið 2017.

Ragnar er búinn að vera með brennandi áhuga á tónlist síðan 18. júní 1989 þegar hann heyrði lagið Pardise City með Guns ́n Roses. Ragnar hefur aldrei komið að tónlistarsköpun en hefur hlustað á pælt í tónlist nær sleytulaust frá þessum örlagaríka degi 1989.

Raggyman þekkir pabbarokkið út og inn og má búast við því að hann sleppi af sér beislinu eins og honum einum er lagið.

The post Michelin-kokkur býður uppá pabbarokk og fleira góðgæti á laugardaginn appeared first on Smekkleysa SM.

Smekkleysa Plötubúð, STAK og Sumarborgin kynna fría tónleika með Önnu Sóley og Mikael Mána í Smekkleysu Plötubúð við Hjartatorg.

Systkinin Anna Sóley og Mikael Máni ætla að spila dúó sett í Smekkleysu í tilefni af útgáfu smáskífunnar Brighter Day.

Lagið kemur út deginum áður á öllum helstu streymisveitum og er forsmekkur af væntanlegri breiðskífu sem kemur út í haust undir nafninu Modern Age Ophelia. Platan mun innihalda lög og texta eftir Önnu Sóley. Þar koma saman mismunandi stílar, módern jazz, grúf, popp og alþýðutónlist, ásamt textum með einn fótinn í raunveruleikanum og hinn í draumheimum.

The post Systkin taka djassað dúó sett á laugardaginn appeared first on Smekkleysa SM.

Smekkleysa Plötubúð, STAK og Sumarborgin kynna fría tónleika með argentínska tónlistarmanninum Flaaryr föstudaginn 22. júlí. Flaaryr er listamannsnafn Diego Manatrizio sem hefur verið búsettur hérlendis frá árinu 2019.

Flaaryr gerir tilraunakennda tónlist þar sem möguleikar rafmagnsgítarsins eru útvíkkaðir með allrahanda hljóðeffektum sem kalla fram ryþmíska heild.

Diego spilar einnig í hljómsveitunum Hungría og dreymandi hundur og er virkur grasrótarstarfi innan listahópanna Post-dreifing og Agalma.

Tónleikarnir eru samstarfsverkefni Smekkleysu Plötubúðar, STAK og Sumarborgarinnar og hefjast þeir klukkan 17:00.

The post Tilraunakenndir tónar alla leiðina frá Argentínu á Hjartatorgi appeared first on Smekkleysa SM.