The Whale fékk lofsamlega umfjöllun um hjá hinum virta blaðamanni og ljósmyndara Leif Wigh hjá Orkester Journalen.

The Whale gaf hún út ásamt tríói sínu Stína Ágústsdóttir Trio sem er skipað henni, Önnu Grétu Sigurðardóttur píanóleikara og Mikael Mána Ásmundssyni gítarleikara.

Stína er búin að vera syngjandi frá því hún var barn án þess að hafa það á stefnuskránni að leggja sönginn fyrir sig sem ævistarf. Hún útskrifaðist í vélaverkfræði frá Háskóla Íslands og stofnaði sprotafyrirtæki í kjölfarið á útskriftinni. Söngurinn blundaði alltaf djúpt í henni og eftir nokkra viðkomu í tæknigeiranum hlustaði hún á hjartað og skráði sig í Söngskóla Reykjavíkur og fór þaðan í söngnám í Vocaltech í London. Stína hefur gefið út fimm skífur í eigin nafni og hefur einnig unnið með hljómsveitum á borð við AXXE, Nista, 23/8 og það nýjasta frá henni er samstarf með íslenska rapparanum Kilo.

Við settum okkur í samband við Stínu og fengum hana til þess að setja saman safn af lögum sem veita henni innblástur og má tónlistarfólk á borð við Colin Stetson, Little Simz, Radiohead, Björk, Frank Ocean, Burial, Nick Drake, Magnús Jóhann, Feist og Joni Mitchell svo fáein séu nefnd.

The post Innblástur #8 – Stína Ágústsdóttir appeared first on Smekkleysa SM.

María er virkur þátttakandi í hinni blómstrandi tónskáldasenu sem heldur betur hefur vaxið fiskur um hrygg síðustu ár. Verk Maríu hafa verið flutt af Sinfóníuhljómsveit Íslands og komu út á hljómdiskunum Recurrence og Concurrence. Concurrence hefur nú hlotið tilnefningu til Grammy-verðlauna árið 2020 og er það mikill heiður. Í janúar næstkomandi kemur svo út hljómdiskurinn Kom vinur sem inniheldur tvo kórverk eftir hana.

María er eftirsóttur meðspilari og hefur spilað inn á breiðskífur Spiritualized, Gyðu Valtýsdóttur, Juliana Barwick, Yann Tiersen, Sigur Rós, Ólafar Arnalds og Canon Bleu svo fáeinar séu nefndar. Hún á stóran hlut í Odin’s Raven Magic sem hún vann ásamt Sigur Rós, Hilmari Erni Hilmarrssyni, Steindóri Andersen og fleirum.

Við fengum Maríu til að setja saman lagalista með lögum sem veita henni innblástur og má heyra fjölbreytt safn laga með Morton Feldman, Colleen, Kjartani Sveinssyni, Zeena Parkins, Boards of Canada, Tom Waits, St. Vincent, Brian Eno o.s.frv.

The post Innblástur # 7 – María Huld Markan Sigfúsdóttir appeared first on Smekkleysa SM.

Krummi er með breiðskífu í smíðum inniheldur hreinræktað kántrí og gaf út smáskífuna og myndbandið “Frozen Teardrops” 11. september síðastliðin.

Krummi hefur frá unga aldri verið að fást við tónlist og á að baki farsælan feril með áðurnefndri Mínus sem gáfu út þrjár framúrskarandi breiðskífur á vegum Smekkleysu. Fyrsta breiðskífa Mínus, Hey Johnny, kom út árið 1999 á vegum Dennis Records. Útgáfumerki Krumma og Frosta Logasonar Mannaskítur Inc. gáfu árið áður út fyrstu þröngskífu Mínus, demo EP.

Hinar breiðskífur Mínus eru Jesus Christ Bobby, Halldór Laxness og The Great Northern Whalekill. Hljómsveitin gerði einnig tónlist við kvikmyndina Strákarnir okkar ásamt Barða Jóhannssyni úr Bang Gang undir nafninu Mínusbarði.

Krummi á einnig að baki útgáfur með hinni frábæru og myrku rafrokksveit Legend, Esja og Döpur.

Krummi er mjög ástríðufullur tónlistarmaður og tónlistarunnandi og hefur samhliða tónlistarferli sínum starfað sem bókari og plötusnúður. Við nálguðumst Krumma og báðum hann að setja saman lista og eins og honum er von og vísa þá setti hann saman 50 lög á lista. Á listanum má finna lög tónlistararfi Bandaríkjanna. Lögin sem prýða listann eru eftir Kitty Wells, Bob Dylan, Peggy Seeger, Blind Lemon Jefferson, The Carter Family, Michael Hurley, Jean Richie og svo framvegis.

The post Innblástur #6 – Krummi appeared first on Smekkleysa SM.

Óttarr hefur lengi verið kunnur fyrir sína einstöku smekkvísi og fyrirmyndar háttsemi. Hann er smekkmaður á bækur, klæðnað og síðast en ekki síst tónlist. Óttarr hefur lengst af sungið með hljómsveitinni HAM en á líka feril að baki með Dr. Spock, Funkstrasse og RASS. Hann hefur einnig ljáð GusGus, Bless, Memfismafíunni og fleirum rödd sína.

Á meðal þeirra sem prýða lagalistann hjá Óttarri eru íslenskir klassíkerar á borð við Guðmund Jónsson, Megas og Ghostigital. Úr alþjóðlegu má m.a. finna perlur frá Kate Bush, Afrika Bambaataa, Francoise Hardy svo dæmi séu tekin. Þessi lagalisti ætti að geta glatt ykkur um helgina og jafnvel lengur.

Eldri lagalista má finna á Spotify. Þar er einnig að finna langflestarútgáfur HAM sem og aðrar útgáfur Smekkleysu.

The post Innblástur #5 – Óttarr Proppé appeared first on Smekkleysa SM.

Kaktus has been playing and writing music from young age and this prolific musician, composer and producer is best known for his work with Fufanu but he as also worked with artists such as Damon Albarn, Booka Shade and Bobby Womack.

Kaktus made us a nice playlist with songs by current and past masters such as JFDR, Hailu Mergia, The Clash, Booka Shade, Gorillaz, Scott Walker, Altin Gün, School of X, Ali Farka Touré and more.

The post Inspiration # 4 – Kaktus Einarsson appeared first on Smekkleysa SM.

Hlökk er listrænt þríeyki skipuð tónskáldunum Ingjibjörgu Ýr Skarphéðinsdóttur, Lilju Maríu Ásmundsdóttur og Ragnheiði Erlu Björnsdóttur. Þær settu saman lagalista með verkum og lögum eftir John Cage, Björk, Meredith Monk, John Cage og Ellen Fullman svo fáein séu nefnd. Þetta er lagalisti fyrir öll sem þyrstir í fyrsta flokks samtímatónlist.

Hlökk gáfu út breiðskífuna sína hulduhljóð og hlaut hún bæði lof og verðlaun. Smekkleysa gaf hana út árið 2019.

The post Innblástur #3 – Hlökk appeared first on Smekkleysa SM.

Páll sendi nýverið frá sér sitt nýjasta verk, Atonement, á vegum bandarísku gæðaútgáfunnar Sono Luminus í Virginíufylki. Sono Luminus er annálað merki sem hefur nokkur íslensk tónskáld á sínum snærum. Við slógum á þráðinn til hans og fengum hann til að setja saman lagalista af lögum sem veita honum innblástur.

Á listanum má meðal annars finna hans eigin verk í bland við lög með Radiohead, The Notwist, Kaija Saariaho, Björk, Talk Talk, Helena Tulve, Sergei Rachmaninoff og fleiri.

Atonement inniheldur fimm kammerverk eftir Pál og eru þau flutt af Caput Ensemble og eistnesku sópransöngkonunni Tui Hirv. Páll og Tui hafa átt farsælt samstarf undanfarin ár og hafa einnig starfrækt Pálsson Hirv Dúettinn. Páll hefur áður gefið út verkið Nostalgía hjá Smekkleysu árið 2017.

Páll er einnig gítarleikari hljómsveitarinnar Maus sem hefur gefið út tvær breiðskífur á vegum Smekkleysu, Allar kenningar heimsins og ögn meira... og Musick.

The post Innblástur # 2 – Páll Ragnar Pálsson appeared first on Smekkleysa SM.

JFDR hefur gefið út stórar breiðskífur í fullri lengd, Brazil og New Dreams, og hafa þær báðar hlotið mikið lof. New Dreams kom út í mars rétt áður en COVID-19 faraldurinn náði hámarki hér á landi og til stóð að JFDR myndi fylgja plötunni eftir með tónleikaferð um heiminn og þarf hún að bíða betri tíma.

Við slógum á þráðinn til Jófríðar og fengum hana til þess að gera stuttan lagalista með lögum sem veita henni innblástur. Á listanum eru m.a. lög frá eðaltónlistarfólki á borð við Arca, Harmonia ásamt Brian Eno, Oneohtrix Point Never, Enya og Thom Yorke o.fl.

The post Innblástur # 1 – JFDR appeared first on Smekkleysa SM.